"Наполи" А Серия пешқадамлигини давом эттирмоқда.
Антонио Конте шогирдлари Италия чемпионатининг 11-турида "Аталанта"га 0:3 ҳисобида имкониятни бой берди. Шунга қарамай, неаполликлар турнир жадвалида биринчи ўринни сақлаб қолишди. Уларда 25 очко бор.
Кейинги ўринда 24 очко билан "Верона"ни мағлуб этган (1:0) "Интер" бормоқда.
Учинчи ўринни "Аталанта" ва "Фиорентина" бўлишиб турибди - уларда 22 очко бор. Бергамоликлар қўшимча кўрсаткичлар бўйича юқори ўринларда туради.
"Ювентус" 21 очко билан бешинчи ўринда бормоқда. 6 ва 7-ўринларни банд этган "Лацио" (19) ва "Милан" (17) клубларида захира ўйини бор.
"Рома" 13 очко билан 11-ўринда бормоқда.
Эслатиб ўтамиз, кейинги турда "Интер" Миланда "Наполи"га қарши баҳс олиб боради.
