"Манчестер Юнайтед" "Сандерленд" ярим ҳимоячиси Крис Ригга қизиқиш билдирмоқда.
Яқинда "қизил иблислар" бошқа Европа гигантлари қатори 17 ёшли футболчига даъвогарлар сифатида аталганди. Football Insider хабарига кўра, "Юнайтед" истиқболли ярим ҳимоячига жиддий қизиқиш билдирмоқда. Потенциал трансфер нархи 20-30 миллион фунт стерлингга (24-36 миллион евро) баҳоланмоқда - бу футболчининг ёшини инобатга олган ҳолда ажойиб сумма.
Крис Ригг бу мавсумда "Сандерленд" сафида 12 та ўйинда майдонга тушиб, 3 та гол урди. Англиялик футболчининг "қора мушуклар" билан шартномаси 2027 йилнинг ўрталарига қадар тузилган.
