“Монако”, “Марсель” ва Франция терма жамоасининг собиқ дарвозабони Стефан Порато россиялик дарвозабон Матвей Сафоновнинг “ПСЖ” клубининг асосий футболчисига айланиш имкониятлари ҳақида фикр билдирди.

Ўтган дам олиш кунлари Сафонов "ПСЖ"нинг Франция чемпионати доирасида "Ланс" жамоасига қарши ўйинда (1:0) ўз дарвозаси дахлсизлигини сақлаб қолди.

"Мен Сафонов жамоадан жой учун курашиши мумкинлигини айтдим. У яхши ўйнади ва ажойиб дарвозабон эканлигини тасдиқлади. Энди у асосий посбонга айланадими? Доннарумма жуда кучли дарвозабон, бу ҳолат унинг кўнглини кўтариши керак. Иккаласида ҳам ўйин вақти бўлади", - деди Порато.

"ПСЖ"нинг навбатдаги ўйини 6-ноябрь, чоршанба куни Чемпионлар лигаси доирасида Испаниянинг "Атлетико Мадрид" жамоасига қарши ўз уйида бўлади.