"Манчестер Юнайтед"нинг янги бош мураббийи Рубен Аморим "Реал"нинг икки асосий футболчисининг трансферларига қизиқмоқда.
Бу ҳақда El Gol Digital нашри хабар берди.
Португалиялик мураббий Мадрид клубининг энг истиқболли иқтидорларидан Эдуардо Камавинга ва Родриго Гоэсни ўз жамоасида истамоқда. "Реал Мадрид" "Манчестер Юнайтед"нинг трансфер режаларидан жиддий хавотирда. Ахир бу футболчиларнинг кетиши "Лос-Бланкос"нинг спорт тузилмаси учун жиддий зарба бўлади.
Испан клуби раҳбарияти айни дамда ҳар икки футболчининг клубга бўлган садоқатини кучайтириш учун чора-тадбирлар ва уларнинг шартномаларини яхшилаш имкониятларини баҳоламоқда. Аввалги вазиятларда "Лос Бланкос" президенти Флорентино Перес жамоанинг ёш ядросини ҳимоя қилишга тайёрлигини кўрсатган ва бу, айниқса, катта салоҳиятга эга футболчилар ҳақида гап кетганда, бундан мустасно бўлмайди.
