"Ливерпуль" ҳимоячи Иброҳим Конате билан янги шартнома имзолаш устида ишламоқда, дея хабар беради инсайдер Фабрицио Романо.
Манбага кўра, 25 ёшли франциялик футболчи билан шартномани узайтириш фақат вақт масаласидир.
Футболчининг клуб билан амалдаги шартномаси 2026 йилнинг ёзида якунига етади. Конате "мерсисайдликлар" сафида 2021 йилнинг ёзидан буён ўйнаб келмоқда, ўшанда у "Лейпциг"дан 40 миллион евро эвазига ўтган.
Романо, шунингдек, футболчи жамоа машғулотларига қайтаётгани ва 5 ноябрь куни бўлиб ўтадиган Чемпионлар лигаси доирасида "Байер" билан ўйинда майдонга тушишга тайёр бўлиши кутилаётганини ёзди.
Эслатиб ўтамиз, Конате "Брайтон"га қарши ўйинда жароҳат туфайли биринчи бўлимдан кейин алмаштирилганди.
Шунда футболчининг ўзи кейинги ўйинда жамоага ёрдам бера олишини таъкидлаганди.
Жорий мавсумда Конате клуб сафида барча турнирларда 14 та ўйинда майдонга тушиб, 2 та гол урди ва 1 та голли узатмани амалга оширди.
