"Liverpul" himoyachi Ibrohim Konate bilan yangi shartnoma imzolash ustida ishlamoqda, deya xabar beradi insayder Fabrisio Romano.
Manbaga ko‘ra, 25 yoshli fransiyalik futbolchi bilan shartnomani uzaytirish faqat vaqt masalasidir.
Futbolchining klub bilan amaldagi shartnomasi 2026 yilning yozida yakuniga yetadi. Konate "mersisaydliklar" safida 2021 yilning yozidan buyon o‘ynab kelmoqda, o‘shanda u "Leypsig"dan 40 million yevro evaziga o‘tgan.
Romano, shuningdek, futbolchi jamoa mashg‘ulotlariga qaytayotgani va 5 noyabr kuni bo‘lib o‘tadigan Chempionlar ligasi doirasida "Bayer" bilan o‘yinda maydonga tushishga tayyor bo‘lishi kutilayotganini yozdi.
Eslatib o‘tamiz, Konate "Brayton"ga qarshi o‘yinda jarohat tufayli birinchi bo‘limdan keyin almashtirilgandi.
Shunda futbolchining o‘zi keyingi o‘yinda jamoaga yordam bera olishini ta’kidlagandi.
Joriy mavsumda Konate klub safida barcha turnirlarda 14 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
