"Фенербахче" бош мураббийи Жозе Моуриньонинг фикрича, Туркия чемпионати европалик мухлислар учун жозибадор эмас.
Бу ҳақда у “Трабзонспор” устидан қозонилган иродали ғалабадан сўнг матбуот анжуманида айтиб ўтди.
"Чет элда Туркия чемпионатини ҳеч ким кўришни хоҳламайди. Чет элда ким бу лигани кўришни хоҳлайди? Уларда Премьер-лига, Франция, Германия, Португалия, Нидерландия чемпионатлари бор. Нега буни кўришлари керак? Туркия лигаси жуда зерикарли ва чел элликлар бундан нафратланишади, лекин бу менинг ишим ва мен ўз ишим ва клубим учун ҳамма нарсани бераман.
Туркия чемпионатини хорижда кўпчилик томоша қилади деб ўйламайман. Менимча, буни Лондонда фақат ўғлим томоша қилади", — деди Моуриньо.
