"Манчестер Юнайтед" бош мураббийи ўзгарганига қарамай, келаси ёзда "Эвертон" ҳимоячиси Жаррод Брантуэйтни сотиб олишни режалаштирмоқда.
Ўтган ёзда "МЮ" Брантуэйт учун 50 миллион фунт стерлинг миқдорида иккита таклиф юборган эди, аммо "Эвертон" Жаррод учун кўпроқ сўраган эди.
Шундан сўнг "Манчестер Юнайтед" бош мураббийи Эрик Тен Хагни истеъфога чиқарди ва унинг ўрнига кейинги ҳафтадан иш бошлайдиган Рубен Аморимни тайинлади.
talkSPORT нашри хабарига кўра, "Манчестер Юнайтед" спорт директори Дэн Эшуорт Брантуэйт Аморимнинг 3-4-3 ўйин услубига мос келишига ишончи комил, шунинг учун 22 ёшли инглиз футболчиси учун режа ўз жойида қолмоқда.
Брантуэйтга яқин манбанинг таъкидлашича, Жаррод шуҳратпараст ва Премьер-лиганинг топ-клубида ўйнашни хоҳлайди.
Бироқ, келаси ёзда Брантуэйт учун курашда "Манчестер Юнайтед" "Ливерпуль" билан рақобатга дуч келиши мумкин. Чунки "қизиллар" ўз сардори Виржил ван Дейкнинг келажаги масаласини ҳалигача ҳал қилмаган.
Қўшимча қиламизки, Брантуэйт жароҳати туфайли "Эвертон"нинг жорий мавсумида ҳали асосий таркибда майдонга тушмади.
