Лондоннинг "Челси" клуби бош мураббийи Энцо Мареска Конференция лигасида Арманистоннинг "Ноа" жамоасига қарши ўйин арафасида Михаил Мудрикнинг жамоадаги ўйин вақти билан боғлиқ вазиятга изоҳ берди.
"Биринчи навбатда шуни таъкидлашни истардимки, у "Панатинаикос"га қарши ўйнади, у ҳафта охирида "Ньюкасл"га қарши ўйнади, кейин эса Лига кубогида "Ньюкасл"га қарши ўйнади, лекин у ўзининг ҳимоя ишини яхшилаши керак, бу ҳамма учун амал қилади.
Агар тўп билан ўйнаш ҳақида гапирадиган бўлсак, қанотларимиз жарима майдончаси ичида ҳаракат қилишлари керак. Аввалига у бу борада муаммоларга дуч келган, ҳозир ҳаммаси яхшиланган. Одамларни ўзгартириш қийин. Мудрик бироз уятчан йигит. Лекин у биз билан бўлганида ҳаммаси жойида", - деди Мареска.
Эслатиб ўтамиз, Михаил Мудрик жорий мавсум "Челси" сафида 12 та ўйинда қатнашиб, барча турнирларда битта гол ва 5 та голли узатмага муаллифлик қилган.
