"Црвена Звезда"га қарши ўйинда Рафинья Диас иккита голли пас берди.
"Барселона" вингери Чемпионлар лигаси умумий босқичи 4-тур учрашувининг 13-дақиқасида ҳисобни очган Иньиго Мартинесга узатма берди. Шунингдек, тайм якунида Роберт Левандовски айнан бразилиялик футболчининг зарбасидан сўнг устунга тегиб қайтган тўпни дарвозага киритди.
Жорий Чемпионлар лигасида Рафинья 4 учрашувда 4 та гол урди ва 3 та голли узатмани амалга оширди. Умуман олганда, бразилиялик футболчи жорий мавсумда "Барселона" сафида 16 та ўйинда майдонга тушиб, 11 та гол ва 9 та голли узатмани амалга оширган.
