“Барселона” футболчиси Жюль Кунде Чемпионлар лигасининг “Црвена Звезда”га (5:2) қарши ўйин қаҳрамонларидан бирига айланди.
Франциялик футболчи 2021 йилдан бери ҳеч бир ҳимоячи эриша олмаган еврокубокларнинг энг нуфузли ўйинида учта голли узатмани амалга оширди.
"Жисмоний ҳолат нуқтаи назаридан, мен фаолиятимнинг энг яхши даврини бошдан кечирмоқдаман. Флик - биринчи даражали мураббий, мен ундан жуда мамнунман", - дейди Кунде.
Ўнг қанот ҳимоячиси ушбу мавсумда 16 та ўйинда майдонга тушиб, 4 та голга ассистентлик қилди.
