Мадриднинг "Реал" клуби "Реал Сосьеад" ярим ҳимоячиси Мартин Субимендини ўз сафига қўшиб олмоқчи.
Бу ҳақда Fichajes.net хабар бермоқда.
"Қироллик клуби" президенти Флорентино Перес футболчининг трансферига шахсан қизиқиб, уни Тони Крооснинг ўрнига кўрмоқда.
Субименди "Реал Сосьедад" тарбияланувчиси саналади. 25 ёшли ярим ҳимоячи 2020/2021 йилги мавсумда асосий жамоа сафида дебют қилди. Жорий мавсумда у 14 та ўйинда майдонга тушиб, 1 та гол урди ва 2 та голли узатмани амалга оширди.
Мартин, шунингдек, ғалаба қозонган Евро-2024да "қизил фурия"нинг бир қисми бўлди. Transfermarkt портали Субимендини 50 миллион еврога баҳолайди.
