Суперлигада 24-тур ўйинлари старт олди. «Динамо» жамоаси бу тур ўз майдонида «Локомотив»ни қабул қилди ва 1:2 ҳисобида имкониятни бой берди. Беллашувдан сўнг жамоа бош мураббийи Вадим Абрамов матбуот анжуманида иштирок этди.

— Аламли мағлубият. Яна ўз уйимизда. Футбол жазолайди. Ҳисоб 1:0 бўлиб турган пайтда гол киритиб, ҳаммасига нуқта қўйиш керак эди. Бунақаси ҳам бўлиб туради. Рақибни ғалаба билан табриклаш керак.

— Анварни нега эрта захирага олдингиз?

— У ортга қайтмай қўйгач, қанотидаги ёш футболчи доим 2х1 ўйнашга мажбур бўлди. У чарчаб ҳам қолди. Бизда кўп футболчилар ози учун бегона позисияда ўйнади. Ратиньо даволанмоқда.

— «Динамо» футболчиларида мотивация йўқдек?

— Йигитлар нимадан чарчаган билмадим, аммо дам олиш учун уларда вақт бор. Ҳаракат қиламиз уларни руҳлатиришга. Бугун ҳам ютмоқчи эдик, ўхшамади. Мавсумни яхши нотада тугатиш керак.