Англия терма жамоасининг вақтинчалик бош мураббийи Ли Карсли Жек Грилишнинг аҳволи ҳақидаги саволларга жавоб берди.
29 ёшли футболчи 20 октабрдан бери майдонга тушмаяпти, жароҳати сабаб "Манчестер Сити"нинг сўнгги бешта ўйинини ўтказиб юборди. Шунга қарамай, ҳужумкор ярим ҳимоячи ноябрь ойидаги йиғинга Англия терма жамоасига чақирилди.
"Грилишнинг иштироки масаласи очиқлигича қолмоқда. Менимча, ҳозир футболчиларни хавф остига қўйишнинг тўғри вақти эмас. Биз формаси хавотирга сабаб бўладиган ҳеч кимдан фойдаланмаймиз", - дея Карсли сўзларини келтиради City Report.
