"Тоттенхэм" бош мураббийи Анже Постекоглу Европа лигаси умумий босқичининг 4-турида "Галатасарой"дан мағлубиятга учраганини изоҳлади.
"Биринчи бўлимда яхши дақиқаларни ўтказдик. Биз гол урдик, лекин рақибларимиз яхши футбол кўрсатишди. Одатда, биз учрашувларнинг иккинчи ярмида ўзимизни кўрсатишга муваффақ бўламиз. Қўлимиздан келганча ҳаракат қилдик, аммо ҳафсаламиз пир бўлди.
Биз шундай оғир ўйинни кутган эдик. Уларда хавфли ўйинчилар бор. Биз мағлубиятга учрадик, чунки биринчи бўлимда ўзимиз хоҳлаган нарсани кўрсата олмадик. Иккала жамоа ҳам Европада муваффақиятли ўйнаши бежиз эмас," - деди Постекоглу.
