Кеча, 7 ноябрь куни Европа Лигаси умумий босқичининг 4-тур учрашуви бўлиб ўтди ва унда "Галатасарой" ва "Тоттенхэм" жамоалари тўқнаш келишди. Ўйин Истанбулдаги "RAMC Park" стадионида бўлиб ўтди. Учрашув 3:2 ҳисобида турк грандлари фойдасига ҳал бўлди. Учрашув якунида мезбонлар ҳужумчиси Мауро Икарди жароҳат олди.
Аргентиналик футболчи "Тоттенхэм" дарвозабони Фрейзер Форстер билан тўқнашиб кетди, шундан сўнг у майдонга йиқилиб, ўйинни давом эттира олмади. Шифокорлар майдонга тушишига тўғри келди, ҳужумчи ўйинни давом эттира олмади ва ўйиннинг 85-дақиқасида унинг ўрнини Миши Батшуайи эгаллади. Аргентиналик футболчи ўз ўрнидан туролмади ва якунда уни замбилда олиб кетишди, Икардининг ўзи эса тиззасини ушлаб йиғлаб юборди.
