"Ливерпуль" чемпионатда энг кўп ғалаба келтирувчи голларни иккинчи бўлимга қўшиб берилган вақтда урган жамоа бўлди.
Opta порталининг хабар беришича, Англия Премьер-лигасидаги ўйинларининг бутун тарихида "мерсисайдликлар" иккинчи бўлимда қўшиб берилган вақтда 44 та гол уриб, ғалабага эришган.
Бу лигадаги энг яхши кўрсаткич.
"Арсенал" 90 дақиқадан сўнг урилган 33 та гол билан иккинчи ўринда. Ушбу рейтингда кучли учликни 32 та гол билан “Тоттенхэм” якунлаб турибди.
“Ливерпуль” ҳозирда АПЛ турнир жадвалида 10 турдан кейин пешқадамлик қилмоқда. "Мерсисайдликлар" ҳисобида 25 очко бор ва иккинчи ўриндаги "Манчестер Сити"дан 2 очко олдинда.
