"Манчестер Сити" бош мураббийи Пеп Гвардиола яна бир бор ўз келажаги ҳақидаги саволларга жавоб беришга мажбур бўлди.
Испаниялик мутахассис жорий мавсум якунида "шаҳарликлар" бош мураббийи лавозимини тарк этиши мумкин - шартнома 2025 йилнинг ёзида тугайди. Айни дамда томонлар ҳамкорликни давом эттириш борасида музокаралар олиб боришмаяпти.
"Мен бу мавзуни муҳокама қилмаслигимни бир неча бор айтганман. Ҳамма нарса содир бўлганда содир бўлади. Биз мунтазам равишда алоқада бўлиб турамиз - ҳаммаси жойида бўлади, ҳаммаси клуб манфаати учун қилинади", - деди 2016/17 йилги мавсумдан буён клубда ишлаётган Гвардиола.
