"Челси" ҳужумчиси Кристофер Нкунку жамоадаги ўрнидан мамнун эмас.
Франциялик футболчи мунтазам равишда Конференциялар лигаси ва Лига кубогида ўйнайди ва гол уради, лекин Премьер-лигада Энсо Мареска уни фақат бир марта асосий таркибда майдонга туширган. Журналист Флориан Плеттенбергнинг сўзларига кўра, қийин вазиятга қарамай, Нкунку январь ойидаги трансфер ойнасида "Челси"ни тарк этиш ниятида эмас. Ёзгача вазият ўзгармаса, футболчи бошқа клубга ўтиш ҳақида ўйлаши мумкин.
Кристофер Нкунку ушбу мавсумда 16 ўйинда ўнта гол урган бўлса, Премьер-лигада атиги бир марта гол урган. Transfermarkt 26 ёшли кўп қиррали форвардни 65 миллион еврога баҳоламоқда.
