«Ливерпуль» бош мураббийи Арне Слот жамоанинг натижалари ҳақида гапирди. Мерсисайдликлар айни дамда АПЛ ва Чемпионлар лигасида пешқадамлик қилмоқда.
«Кўп ғалаба ёки шунга ўхшаш нарсаларни кутмагандим. Янги клубга келгач, жамоа тезроқ сизнинг стандартларингиз бўйича ўйнай бошлашини, ўз фикрларингизни тезроқ етказишни хоҳлайсиз.
Клопп билан фарқи борми? Унинг жамоалари юқори прессингдан фойдаланишни яхши кўрадилар ва баъзида таркиб бошқача бўлади. Аммо бизда умумий фикр бор - иккаламиз ҳам имкон қадар кўпроқ гол уришни яхши кўрамиз! «Ливерпуль» мени Нидерландия чемпионлигини қўлга киритгани учун эмас, балки ўйин услубим туфайли танлагани мен учун муҳим эди», - деди Слот.
