Суперлигада 24-тур ўйинлари давом эттирилди. «Навбаҳор» жамоаси бу тур ўз майдонида «Пахтакор»ни қабул қилди ва 5:2 ҳисобида ғалаба қозонди. Беллашувдан сўнг жамоа бош мураббийи Сергей Лушчан матбуот анжуманида иштирок этди.

— «Пахтакор» жуда яхши жамоа эканлиги маълум эди. Биринчи бўлим жуда оғир ўтди. Бошланиши яхши бошланди, тезкор гол киритдик. Режа бўйича қайта ҳужумлар ташкилаштиришга бироз улгурмай қолдик. Эмосионал режа бўйича биз учун ҳам, футболчилар учун ҳам, ўйин оғир ўтди. Ҳамма масъулиятни ҳис қилиб турганди. 5:2 ҳисоби яхши бўлди, лекин, ўйлайманки, четлатиш бўлмаганда қийин бўларди. Чиройли ғалаба бўлди. Ўзимизнинг ўйинларимизни, хатоларимизни таҳлил қилиб чиқамиз. Бир хил вазиятда 2 та гол ўтказиб юбориш – бу яхши эмас. Осон гол ўтказиб юбордик, ҳеч нима қила олмаяпмиз. Бу руҳий ҳолат билан боғлиқ. Чунки гол киритишимиз билан орқага чекинмоқдамиз, гол ўтказиб юборгандан кейин футбол ўйнашни бошлаяпмиз. Шунақа вазиятлар бизни ташвишга солмоқда. Йигитларга сўзсиз раҳмат айтаман, «Пахтакор» дарвозасига 5 та гол киритишди. Жуда ҳам яхши натижа.