Жанубий Корея миллий терма жамоаси ЖЧ-2014 4-саралаш босқичидан ўрин олган сўнгги 3та ўйин учун чақиртирилган футболчилар рўйхатини эълон қилди.

4 июнь куни Байрут шаҳрида ЖЧ-2014 саралаши 8-тури доирасида Ливан ҳамда Жанубий Корея терма жамоалари ўзаро баҳс олиб боришидан хабарингиз бор. «Arirang» интернет порталининг хабар беришича, Жанубий Корея терма жамоаси бош мураббийи Чой Канг Хи Ливанга қарши ўйин олдидан терма жамоанинг бир неча нафар етакчи футболчилари ҳизматидан фойдалана олмайди. Терма жамоа ҳимоячиси Ки Сун Юн («Суонси») сариқ карточкалари сони иккитага етгани учун ўйинни ўтказиб юборса, Германия Бундеслигаси вакили бўлган «Аугсбург» жамоаси ҳужумчиси Ку Чжа Чхол жароҳати сабаб Ливан билан ўйинни ўтказиб юборади.

Эслатиб ўтамиз, Жанубий Корея терма жамоаси 11 июнь куни ўз майдонида Ўзбекистон миллий терма жамоасини қабул қилса, саралашнинг сўнгги турида ўз майдонида 18 июнь куни Эрон билан ўйнайди.

Терма жамоа бош мураббийи Чой Канг Хи томонидан саралашнинг қолган учта ўйинида иштирок этиш учун чақирилган футболчилари рўйхати.

Дарвозабонлар: Жун Сун Рёнг («Сувон»), Ким Йон Кван («Ульсан»), Ли Бум Йон («Бусан»)
Ҳимоячилар: Ким Йон Вон («Гуанчжоу Эвергранд»), Пак Чжу Хо («Базель»), Жун Ин Хван («Чонбук Моторс»), Ким Ки Хи («Ал Саилия»), Квак Тае Хви («Аш Шабоб», Ар Риёд), Жанг Хюн Со («Токио ФС»), Шин Кван Хо («Поханг Стилерз»), Ли Чун Су («Ал Саад»), Ки Сун Юн («Суонси»)
Ярим ҳимоячилар: Ли Мюнг Жо («Поханг Стилерз»), Сон Хен Мин («Гамбург»), Ли Чун Йонг («Болтон»), Ли Кун Хо («Сангжу Санму»), Жи Донг Вон («Аугсбург»), Хан Кук Йонг («Шёнан Балмере»), Ким Нам Ил («Инчхон»), Ли Сунг Жи («Чонбук Моторз»), Пак Жун Ву («Бусан»), Хван Жи Су («Поханг Стилерз»), Ким Бо Кун («Кардифф Сити»).
Ҳужумчилар: Ли Донг Гук («Чонбук Моторз»), Ким Шин Вук («Улсьан Хенде»), Ким Чанг Су («Кашива Рейсол»).