"Манчестер Юнайтед" бош мураббий вазифасини бажарувчи Руд ван Нистелройнинг кетишини тасдиқлади.

"Руд "Манчестер Юнайтед" афсонаси ва шундай бўлиб қолади. Биз унинг ҳиссаси ва клубдаги фаолияти давомида ўз ролига ёндашуви учун миннатдормиз. У ҳар доим "Олд Траффорд"да жуда ёқимли меҳмон бўлади. Биз ўз вақтида биринчи эркаклар жамоасининг тўлиқ мураббийлар штабини тасдиқлаймиз”, — дейилади жамоа сайтидаги расмий баёнотда.

Ван Нистелройдан ташқари, мутахассислар жамоаси ҳам кетишди: ёрдамчи мураббий Рене Хакке, дарвозабонлар мураббийи Желле тен Рувеллар ва учрашув таҳлилчиси Питер Морель.

Эслатиб ўтамиз, Рубен Аморим “Манчестер Юнайтед”нинг янги бош мураббийи этиб тайинланган бўлиб, у бугун, 11 ноябрь куни расман ўз вазифасини бажаришга киришди. The Athletic нашри хабарига кўра, ван Нистелрой айнан Аморимнинг ташаббуси билан клубни тарк этган.