Френки де Йонг эҳтимолий жароҳатдан қўрқди.
«Барселона» ярим ҳимоячиси Ла Лиганинг 13-туридан ўрин олган «Сосьедад»га қарши ўйинда (0:1) танаффус вақтида алмаштирилди. У иккита зарба олди - болдир ва тўпиқдан.
"Diario Sport" хабарига кўра, нидерландиялик футболчи кийиниш хонасида жуда хафа бўлган ва ҳатто йиғлаб юборган. У чап оёғининг тиззасига яқин жойида қаттиқ оғриқни сезаётган эди ва мураббийлар штаби таваккал қилмасликка қарор қилди.
Қайд этилишича, ярим ҳимоячи ҳали ўзига бўлган ишончни тўлиқ тиклагани йўқ ва ўйинга 100 фоиз тайёр эмас. У жароҳат олишдан қўрқиб майдонга тушади, шунинг учун ҳам рақибига дриблинг қилиш каби баъзи ҳаракатларни қилишга уринмайди.
Де Йонг «Сосьедад»га қарши ўйинда жиддий жароҳатдан қутулиб қолди ва Нидерландия терма жамоасига йўл олди.
