Франция ва Исроил ўртасидаги ўйинда чипта эгасининг шахси текширилади.

Париж полицияси раҳбари Лоран Нуньес бугун Миллатлар лигаси ўйини бўлиб ўтадиган “Стад де Франц” стадиони ташқарисида ҳам, стадион ичида ҳам “алоҳида хавфсизлик тизими” яратишга ваъда берди.

Бундан ташқари, полиция кучлари Амстердамда содир бўлган воқеалардан қочиш учун мухлисларнинг турар жойларига "қайтиш йўлаги"ни қўриқлайди.

Эслатиб ўтамиз, Европа лигаси доирасидаги “Аякс” – “Маккаби” учрашувидан (5:0) сўнг, шаҳар кўчаларида исроиллик мухлисларга қатор ҳужумлар уюштирилди.

Томошабинларнинг стадионга киришига келсак, тизим чипта эгасининг шахсини текшириш билан икки даражали назоратдан иборат.

Париж яқинидаги стадион атрофида, шунингдек, жамоат транспортида ва бутун шаҳар бўйлаб жами 4000 нафар полиция ва жандарм жойлаштирилади.

Тахминан 1600 хавфсизлик ходими тўғридан-тўғри "Стад де Франц" стадионига жойлаштирилади.