Неаполда Девид Нереснинг соати ўғирланди.
“Наполи” ярим ҳимоячисига зарар етказишда уч киши айбланиб, ҳибсга олинди, деб хабар беради Calcio.
Айтилишича, 1-сентябрь куни Нерес ўзининг микроавтобусида “Парма”га қарши ўйиндан сўнг уйига қайтаётганида футболчининг 100 минг евролик соати олиб кетилган. Футболчи тирбандликда турганда уч эркак - Жанлука Куомо (30 ёш), Жузеппе Витале (24 ёш) ва Жузеппе Веккионе (34 ёш) машинанинг орқа ойнасини синдириб, уни соатини беришга мажбурлаган.
Тергов маълумотларига кўра, ўғирлик режаси футболчи ўтган ёзда "Наполи" билан шартнома имзолаганидан сўнг дарҳол пайдо бўлган.
Жиноятчиларни қўлга олиш учун терговчилар кузатув камераларидаги видеоёзувлардан фойдаланган.
