Жанубий Америкада ЖЧ-2026 саралаш босқичидан ўрин олган 11-тур ўйинлари бўлиб ўтмоқда.

Бразилия терма жамоаси сафарда Венесуэла меҳмони бўлиб, 1:1 ҳисобида дурангга имзо чекди. Мазкур ўйинда Винисиус пенальтидан гол ура олмади.

Аргентина эса сафарда Парагвайга имкониятни бой берди (2:1). 11-дақиқада Лаутаро Мартинес ҳисобни очди.

19-дақиқада эса мезбонлар форварди Антонио Санабрия чалқанча зарба билан ҳисобни тенглаштирди.

47-дақиқада парагвайлик ҳимоячи Омар Альдерете "стандарт" берилган узатмани голга айлантирди. Ушбу ҳисоб ўйин охиригача ўзгармай қолди.

Аргентина 22 очко билан пешқадамлик қилмоқда. Колумбия ҳисобида 19 очко мавжуд бўлса, Бразилия 17 очко билан учинчи ўринни эгаллаб турибди. Яна 3 та жамоа ҳисобида 16 тадан очко мавжуд.

ЖЧ-2026 саралаш. Жанубий Америка, 11-тур
Венесуэла – Бразилия 1:1 (0:1, 1:0)
Голлар: 0:1 – 43 Рафинья, 1:1 – 46 Сеговия.
Венесуэла – Ромо, Наварро, Анхель, Рамирес, Арамбуру, Мартинес (Ринкон, 69), Эррера (Кассерес, 15), Мурильо (Сеговия, 46), Саварино, Бельо (Гонсалес, 80), Рондон (Кадис, 81).
Бразилия – Эдерсон, Абнер (Эстеван, 90+2), Габриэл, Маркиньос, Вандерсон, Бруно Гимараэс (Мартинелли, 82), Жерсон, Винисиус Жуниор, Рафинья, Савио (Луис Энрике, 68), Игор Жезус (Лукас Пакета, 68).
Четлатиш: Гонсалес (89).

Парагвай – Аргентина 2:1 (1:1, 1:0)
Голлар: 0:1 – 11 Мартинес, 1:1 – 19 Санабрия, 2:1 – 47 Альдерете.
Парагвай – Фернандес, Алонсо, Альдерете, Гомес, Веласкес, Альмирон (Ромеро, 90), Бобадилья (Вильясанти, 82), Кубас, Гомес (Ромеро, 72), Санабрия (Питта, 72), Энсисо (Соса, 82).
Аргентина – Мартинес, Тальяфико, Отаменди, Ромеро (Балерди, 46), Молина (Монтьель, 78), Фернандес (Паредес, 77), Де Поль, Альварес (Кастельянос, 86), Мак Аллистер (Гарначо, 64), Месси, Мартинес.

Эквадор – Боливия 4:0 (2:0, 2:0)
Голлар: 1:0 – 26, пенальти Валенсия, 2:0 – 28 Плата, 3:0 – 49 Плата, 4:0 – 61 Минда.