«Барселона»да фақат Жюл Кунде интизомсизлик билан боғлиқ муаммолар туфайли жазоланди.

Франциялик ҳимоячи бир хил сабабга кўра уч марта асосий таркибдан майдонга туша олмади: машғулотга кеч келган. Ҳатто машғулотларда жамоанинг энг тиришқоқ ўйинчиларидан бири бўлиши ҳам унга жазодан қутулиб қолишга ёрдам бермади.

Биринчи марта бу ҳолат мавсумолди машғулотларида содир бўлди. Кунде ўйиндан олдинги ўйинолди машғулотига тўрт дақиқага кеч келди, бу эса «Барселона» бош мураббийи Ханси Фликка ёқмади.

«Сен бугун асосий таркибда ўйнамайсан», деди германиялик мутахассис Жюлга.

«Алавес» билан ўйин олдидан Кунде жамоанинг назарий машғулотига яна икки дақиқа кечикди.

«Бир дақиқа ҳам кечикиш жамоадошларингизга ҳурматсизликдир. Қоидаларни биласиз», - деди каталонияликлар бош мураббийи.

Натижада Кунде ўйинни захира ўриндиғида ўтказди.

Учинчи ҳолат «Эспаньол» билан дерби олдидан содир бўлди. Француз бир дақиқага кеч қолди ва Флик унга: «Мен 13:30 ҳақида гапирганимда, бу 13:29 ҳам ва 13:31 ҳам эмас», деди.

Фликнинг пунктуаллиги жамоада ҳазил-мутойиба манбаи бўлиб қолди, футболчилар кечикмасликка интилишди ва ҳатто бош мураббийнинг навбатдаги «қурбони» ким бўлишига гаров тикишни бошладилар.

«Бу қўрқинчли, жуда қўрқинчли...», деди «Барселона» ярим ҳимоячиси Марк Касадо интервьюларидан бирида.