"Челси" ҳимоячиси Бенуа Бадьяшиль "Ювентус"да марказий ҳимоячи позициясини кучайтириш учун номзодлар орасида, деб хабар беради La Gazzetta dello Sport.

Манбага кўра, Турин клуби спорт директори Криштиану Жунтоли қишки трансфер ойнасида бир нечта шартнома имзолаш имкониятини кўриб чиқмоқда, иложи бўлса, ижара асосида ёки имтиёзли шартларда.

23 ёшли францияликдан ташқари, Милан Шкриньяр ("ПСЖ"), Жонатан Та ("Байер"), Раду Дрэгушин ("Тоттенхэм"), Давид Ганцко ("Фейеноорд") ва Йоаким Андерсен ("Фулхэм") ҳам номзодлар қаторида.

Эслатиб ўтамиз, бу мавсумда "Ювентус"нинг 2 нафар марказий ҳимоячиси: Хуан Кабаль ва Глэйсон Бремер хочсимон боғламлардан жароҳат олганди.