"Лион" хўжайини Жон Текстор қуйи лигага тушиб кетмаслик режасини эълон қилди.
Олдинроқ Франциянинг етти карра чемпиони агар ёзгача вазиятни тўғирламаса, 505,1 миллион евро қарзи туфайли Лига 1дан четлатилиши маълум бўлганди.
Назорат ва бошқарув миллий комиссияси клубга қишда янги ўйинчиларни сотиб олишни тақиқлади.
"Лион" эгаси Жон Текстор шанба куни бўлиб ўтган матбуот анжуманида 100 миллион евро атрофидаги камомадни қандай қоплашни режалаштираётганини тушунтириб берди. Тадбиркорнинг айтишича, Eagle Football Holdings бош компанияси яқин ойларда камида 300 миллион евро олиши керак, бу пулнинг қанча қисми тўғридан-тўғри "Лион"га кетиши аниқланмаган.
“Лион” футболчиларни сотишдан 55 миллион евро ишлаб олишни кутмоқда.
