Ваут Вегхорст Венгрияга қарши ўйинда гол ургандан сўнг уни нишонлагани учун узр сўради.
Шанба куни бўлиб ўтган Миллатлар лигасининг 5-тур учрашувида Нидерландия терма жамоаси Венгрияни 4:0 ҳисобида мағлуб этди.
Нидерландия терма жамоаси ҳужумчиси Вегхорст 21-дақиқада пенальтидан ҳисобни очди ва голни ҳиссиётлар билан нишонлади ва танқидларга сабаб бўлди.
"Мен пенальтини тепганимда бу ҳодиса ҳақида умуман ўйламагандим, асабларим жуда ҳам таранг эди.
Салбий муносабатларни тушунаман, лекин голни нишонлаш менга енгиллик беради.
Кейинчалик тушунасизки, сиз буни хотиржамроқ, рақибларингизни ҳурмат қилган ҳолда қилишингиз мумкин эди. Балки мен бошқача қилишим керак эди", деди Вегхорст.
