"Арсенал" ўзининг "Эмирейтс" стадионини 80 000 ўрингача кенгайтириш имкониятини ўрганмоқда.
"Арсенал" "Эмирейтс"да 2006 йилдан буён ўйнаб келмоқда, у бу ерга "Хайбери"дан кўчиб ўтган. "Канонирлар"нинг янги аренаси 60 704 томошабинга мўлжалланган.
"Эмирейтс" очилгандан сўнг, "Арсенал"нинг Премьер-лигадаги рақиблари ҳам ўз стадионларини яхшилашди. Масалан, "Тоттенхэм" 62 850 ўринли янги аренага эга бўлди.
Шу сабабли, Bloomberg нашри хабарига кўра, "Арсенал" "Эмирейтс" стадионини 80 000 томошабингача кенгайтирмоқчи. Ҳозирда клуб тегишли ечимлар устида ишламоқда, бироқ бу жараён ҳали дастлабки босқичда.
Агар бу режа амалга ошса, "Арсенал" Премьер-лигадаги энг катта стадионга эга бўлади. Ҳозир бу "Манчестер Юнайтед"нинг "Олд Траффорд" стадионига тегишди – 75 653 томошабин.
