Италия терма жамоаси ярим ҳимоячиси Николо Барелла Франциядан 1:3 ҳисобида мағлубиятга учраганидан сўнг журналистлар билан суҳбатлашди.
"Албатта, бу жуда оғир ўйин бўлди, чунки Франция - жуда кучли жамоа. Охирги дақиқагача жанг қилдик, бу ўйиндан ижобий жиҳатларни олиб чиқишимиз керак. Ютқазиш ҳар доим алам қилади, лекин биз яхши ўйнадик ва имкониятларга эга бўлдик.
Баъзи нарсаларни яхшилашимиз керак, лекин аксарият ҳолларда биз яхши эдик. Ҳа, гуруҳдаги биринчи ўрин - бу ёқимли бўларди, лекин энг муҳими, биз плей-оффга чиқишга муваффақ бўлдик," - дея италиялик ярим ҳимоячидан иқтибос келтиради УЕФА матбуот хизмати.
