"Милан"да маслаҳатчи лавозимини эгаллаб турган Златан Ибраҳимович трансферлар ҳақида гапирди.
Машҳур собиқ ҳужумчи клуб январ ойидаги трансфер ойнасида таркибни кучайтиришни режалаштирмаётганини тан олди.
"Бизга қишки шартномалар керакми? Сизда бирон бир таклиф борми? Бизда ким кераклигини аниқлайдиган ўйинчиларни қидириш тизими мавжуд. Ҳозирча шартнома имзолаш ҳақида ўйламаяпмиз. Келинг, кейинги икки ой қандай ўтишини кўриб чиқайлик. Умид қиламанки, ҳеч бир футболчимиз жароҳат олмайди. Агар ҳаммаси яхши бўлса, ҳозирги таркибни сақлаб қоламиз", - дея Златан Ибраҳимовичнинг сўзларини келтиради Football Italia.
