Англия терма жамоаси бош мураббийи вазифасини бажарувчи Ли Карсли Миллатлар лигасининг сўнгги турида Ирландияни мағлуб этганидан кейин (5:0) Англиянинг ЖЧ-2026да ғалаба қозониш имкониятлари ҳақидаги саволга жавоб берди.
Ирландияга қарши ўйин Карсли учун бу постдаги охиргиси бўлди. 2025 йил бошида Томас Тухелm Англия терма жамоаси билан ишлашни бошлайди.
"Ўйлашимча, биз жаҳон чемпионатида ғалаба қозониш учун яхши ҳолатдамиз. Ўйлайманки, бизда бунинг учун етарлича иқтидор бор. Бунинг учун бизда барча ресурслар мавжуд. Биз фақат уларни тўғри ва ўз вақтида бошқаришимиз керак", - деди Карсли Goal билан суҳбатда.
2026 йилги жаҳон чемпионати АҚШ, Канада ва Мексикада бўлиб ўтади.
