"Барселона"нинг собиқ бош мураббийи Хави Эрнандес "Интер Майами"да ишлаш учун асосий номзод ҳисобланади. Яқинда маълум бўлишича, Херардо Мартино жамоа бош мураббийлигидан кетади.

Ҳозирда Хави аргентиналикининг ўрнига асосий номзод сифатида қаралмоқда. Агар тайинлов амалга ошса, испаниялик мутахассис "Барселона"да бирга ўйнаган вақтларидан бери таниш бўлган Лионель Месси, Луис Суарес, Серхио Бускетс ва Жорди Альба билан ҳамкорлик қилиши мумкин бўлади.

Хави Эрнандес ўтган мавсумдан сўнг Каталония суперклуби томонидан истеъфога чиқарилган эди.