"Барселона" вингери Рафинья Диас Англия Премьер-лигасидаги қизиқишларга қарамай сотилиши даргумон.
Сўнгги кунларда тарқалган миш-мишларга кўра, юлдуз бразилиялик футболчига Лондоннинг "Арсенал" клуби даъвогарлик қилмоқда. Шунга қарамай, журналист Экрем Конурнинг хабар беришича, "Барселона" Рафиньяни сотиш ҳақида ўйламайди. 27 ёшли футболчи Ханс-Дитер Флик қўл остида жамоанинг асосий ўйинчисига айланди, шунинг учун уни олиб қолишмоқчи.
Рафинья Диас "кўк-анорранглилар" учун жорий мавсумдаги 17 учрашувда 12 та гол урди ва ўнта голли узатмани қайд этди.
