Фарғонанинг «Нефтчи» клуби бош мураббийи Виталий Левченко «йўлбарслар»нинг трансфер янгиликлари ҳақида «Футбол Экспресс»га берган интервьюсида гапирди.
- «Нефтчи» сафига бир қатор етакчи футболчиларнинг келиб қўшилиши ҳақидаги хабарлар қанчалик ҳақиқатга яқин? Владимир Йовович, Болтабоев, Бозоров, Абдуҳолиқов, Исмоилов сингарилар Фарғонага келаётганлари айтилмоқда. Номлари келтирилаётган футболчилар билан чиндан ҳам музокаралар олиб борилмоқдами?
- Бундай хабарларни ўқиб, очиғи ўзимиз ҳам таажжубланмоқдамиз. Мавсум якунланиб, кейингисига тайёргарликка киришайлик, «Нефтчи» - 2025 қандай кўринишда бўлиши ойдинлашиб боради. Эртага воқеалар ривожи қандай кечишини билмайман. Мухлислар биздан кўра кўпроқ хабардорга ўхшайди", - деди тожикистонлик мутахассис.
