"Лас-Пальмас" ярим ҳимоячиси Альберто Молейро Лондоннинг "Арсенал" клубининг нишонида. "Сариқлар" 21 ёшли футболчи билан янги шартнома борасида келиша олмаса, мавсум якунланганидан кейин уни сотишни кўриб чиқади.
Superdeporte нашри хабарига кўра, испаниялик футболчига "Арсенал" қизиқиш билдирмоқда. Футболчи Лондонга кўчиб ўтиш вариантини маъқуллайди - у "канонирлар" лойиҳасини қизиқарли деб ҳисоблайди. Трансфер нархи тахминан 20 миллион еврони ташкил қилиши мумкин.
Альберто Молейро жорий Ла Лигада 13 учрашувда 4 та гол урди. Испания ёшлар терма жамоасининг ҳужумкор ярим ҳимоячисининг “Лас-Пальмас” билан шартномаси 2026 йилнинг ўрталарига қадар тузилган. Молейро аввалроқ "Барселона"да ўйнашни хоҳлашини тан олганди.
