"ПСЖ"нинг словакиялик ҳимоячиси Милан Шкриньяр жорий мавсум якунида Париж клубини тарк этади. Бу ҳақдаги янгилик ижтимоий тармоқларда инсайдер Фабрицио Романо томонидан баҳам кўрилди.
Эслатиб ўтамиз, Шкриньяр жорий мавсумда ўз клубида кам ўйнай бошлади. Ҳаммаси бўлиб Милан Лига 1 доирасида тўртта ўйин ўтказди ва гол урмади.
"Машқ қилиш орқали вазиятни ўзгартириш учун ҳар доим имконият бор. Бу футболда бўлади", - деди "ПСЖ" бош мураббийи Луис Энрике.
Словакиялик футболчининг парижликлар билан шартномаси 2028 йилнинг июнь ойи охиригача амал қилади. Олдин Милан етти йил давомида Италияда ўйнаган ва у ерда "Сампдория" ва "Интер" клублари шарафини ҳимоя қилган.
