"Аталанта" ҳужумчиси Адемола Лукман клубини ўзгартириши мумкин.
CaughtOffside нашри хабарига кўра, "Манчестер Юнайтед" футболчи учун курашга киришди. Қайд этилишича, "манкунианликлар" ушбу трансферни ёзги трансфер ойнасида амалга оширишни режалаштиришган.
Аввалроқ ОАВда Лукманга Европанинг бир қанча топ-клублари, жумладан, “Реал Мадрид” ҳам қизиқиш билдираётгани ҳақида маълумотлар бир неча бор пайдо бўлган.
27 ёшли нигериялик футболчи жорий мавсумда “Аталанта”нинг 14 та учрашувида иштирок этиб, 8 та гол урди ва 5 та голли узатмани амалга оширди. Унинг трансфер нархи 40 миллион еврога баҳоланмоқда.
