"Барселона" бош мураббийи Ханс-Дитер Флик ўз жамоасининг "Сельта"га қарши ўйинда (2:2) муваффақиятсизликка учраши сабаблари ҳақида гапирди.
"Биз ёмон ўйин ўтказдик, мен буни ўйинчилар билан муҳокама қилишим керак. Мен бу ҳақда аввал ҳам айтганман: агар фақат 80, 85 ёки ҳатто 90 фоизга ҳаракат қилсанг, ғалаба қозонмайсан. Гап охирги ўн дақиқада эмас - биз бутун ўйин давомида ёмон ўйнадик. Одатдаги даражамиздан узоқ бўлган даҳшатли ўйин.
Ҳамма "Сельта" - қийин рақиб, бугун бизга осон бўлмайди, дейишарди, лекин бу ўзини оқлаш эмасди. Биз яхшироқ ўйнашимиз керак. Бу концентрация масаласи," - деди Флик.
