23 ноябрь куни "Манчестер Сити" ўз уйида "Тоттенхэм"га мағлуб бўлиб, тўртта жавобсиз тўпни ўтказиб юборди.
Ушбу мағлубият "Манчестер Сити" учун барча турнирларни ҳисобга олган ҳолда кетма-кет бешинчи бўлди. Аввалроқ "шаҳарликлар" "Тоттенхэм"га (1:2), "Борнмут"га (1:2), "Спортинг"га (1:4) ва "Брайтон"га (1:2) имкониятни бой берганди.
Айтиш жоизки, 53 ёшли Гвардиола мураббийлик фаолиятида биринчи марта кетма-кет бешта мағлубиятга учради. Эслатиб ўтамиз, испаниялик мутахассис 2007 йилдан буён мураббий бўлиб ишлайди. "Манчестер Сити"га қадар у "Барселона" ва "Бавария"ни бошқарган.
