Шу ёзда «Манчестер Юнайтед»ни 10 нафаргача футболчи тарк этиши мумкин. Бунга айрим ўйинчиларнинг шартномаси якунига етаётгани ва клуб бошқалар бўйича келадиган таклифларни кўриб чиқишга тайёрлиги сабаб бўлмоқда.
«Юнайтед» ўзини кўрсата олмаётган бир қатор трансферлар, жумладан, Андре Онана, Алтай Байиндир, Мэйсон Маунт, Жошуа Зиркзее, Расмус Хёйлунд ва Мануэль Угартелар билан хайрлашишга рози.
Шу билан бирга, Каземиро, Жэйдон Санчо ва Тайрелл Маласия эркин агентга айланади. Клуб эса Маркус Рэшфорднинг «Барселона»даги ижараси доимий асосга кўчишини ёки унинг бошқа жамоага ўтишини умид қилмоқда.
