"Барселона" марказий ҳимоячиси Рональд Араухо тез орада жамоага қайтади.
Америка кубогининг июль ойидаги ўйинида олган жароҳати туфайли уругвайлик футболчи ҳали бу мавсумда "кўк-анорранглилар" сафида ҳали ўйнамаган. Mundo Deportivo маълумотларига кўра, жорий ойнинг ўзида Араухо илк бор "Барселона"нинг қайдномасига киритилиши мумкин. 25 ёшли марказий ҳимоячи 30 ноябрь куни бўлиб ўтадиган Ла Лига доирасидаги "Лас-Пальмас"га қарши ўйинда захира ўриндиғида ўтириши мумкин.
Рональд Араухо 2019 йилда дебют қилганидан бери барча турнирларда Каталония грандида жами 150 та ўйин ўтказган.
