"Интер Майами" ва Аргентина терма жамоаси ҳужумчиси Лионель Месси афсонавий футболчи Диего Марадона вафот этган куни муносабати билан ижтимоий тармоқда пост чоп этди.
Месси Марадона 1986 йил Германияга қарши Жаҳон чемпионати финалида (3:2) Аргентина ғалаба қозонгандан сўнг жаҳон кубоги билан тушган суратини жойлаштирди.
"Абадий", — деб ёзди Месси ўз постида.
Диего Марадона 2020 йил 25 ноябрда, 60 ёшида оламдан ўтган. 1986 йилги Жаҳон чемпионати ғолибининг вафот сабаби юрак тўхташи деб эълон қилинган. Унга нисбатан эътиборсизлик сабабли ҳалок бўлганликда айбланаётган саккиз нафар тиббиёт ходимига айблов қўйилган.
