«Манчестер Юнайтед»нинг собиқ ярим ҳимоячиси Рой Кин қандай қилиб Италияга кўчиб ўтиши мумкин бўлганлигини эслади.
Ирландиялик собиқ футболчи 1993 йилдан 2006 йилгача «Қизил иблислар»да ўйнаган ва фаолиятини Шотландиянинг «Селтик» клубида якунлаган.
«Менда «Ювентус» билан шартнома бор эди. Шартнома деярли имзоланди ва у ерда мен «Юнайтед»га қараганда кўпроқ пул ишлаган бўлардим. Бу ҳолат мени издан чиқармади. Лекин мен «Ювентус»ни доим ёқтирардим. Чет элда ўйнамаганимдан афсусдаман», - деди ҳозирда телевидениеда мутахассис бўлиб ишлаётган Кин.
