Испания терма жамоаси ва "Челси" ҳимоячиси Марк Кукурелья лондонликларнинг мавсумдаги мақсадлари ҳақида ўз фикрлари билан ўртоқлашди.
"Биз "Лестер"ни мағлуб этсак, рақибимизга босим ўтказишимиз мумкинлигини билардик ва буни уддаладик. Кучли тўртликка кириш учун курашишга тайёр эканимизни кўрсатдик. Менимча, бу мавсумдаги мақсад шу, аммо бу лига қийин эканлигини биламиз. Биз қийин йилни бошдан кечирдик ва энди бу жараёнга ишонишимиз керак.
Чемпионлик учун курашамиз, лекин менимча, биз ҳозирда етакчи жамоалардан бироз узоқдамиз. Улар узоқ вақтдан бери битта мураббий ва бир хил ғоялар билан бирга ишлашади. Биз бу мавсумни бир неча ой олдин бошладик.
Албатта, ҳамма билан рақобатлашишни хоҳлаймиз, лекин бу қийин, сиз ҳамма нарсани бир кечада ўзгартира олмайсиз. Аммо биз яхши йўлдамиз, биз ўзимиз билан фахрланишимиз ва олдинга интилишда давом этишимиз керак", - дейди Кукурелья.
