"Бавария" ва Англия терма жамоаси ҳужумчиси Харри Кейн замонавий футболдаги ҳужумчилар ҳақида гапирди.
Кейннинг сўзларига кўра, Криштиану Роналду ва Лионель Мессининг таъсири туфайли марказий ҳужумчи бўлишни хоҳлайдиганлар камайган.
"Ўйин бироз ўзгариб бормоқда. Кўплаб ёш футболчилар улғайиб, вингер бўлишни хоҳлашади. Месси ва Роналду қанотларда ўйнаб узоқ вақт ҳукмронлик қилишди.
Менимча, кўп одамлар уларга ҳавас қилади. Дунёнинг энг яхши марказий ҳужумчиларини кузатиб, мен тўққизинчи рақам футболчисига айланишни хоҳлардим.
Ҳозирда баъзи мураббийлар ёлғон тўққизлик билан ўйнашади. Бу нотўғри, менимча, гол уриш футболдаги энг қийин нарса", деди Кейн.
