"Барселона" Чемпионлар лигасида қаторасига 4-ғалабасини қўлга киритди.

Умумий босқич 5-тур учрашувида каталонияликлар "Брест"ни мағлуб этишди (3:0). Бунгача Ханс-Дитер Флик шогирдлари турнирда "Янг Бойз" (5:0), "Бавария" (4:1) ва "Црвена Звезда" (5:2) клубларини мағлуб этганди.

Эслатиб ўтамиз, жорий мавсум Чемпионлар лигасида дебют қилган "Брест" 5 та ўйинда илк бор мағлуб бўлди – бунгача Лига 1 жамоаси 3 та ғалабага эришди ва бир марта дуранг ўйнади.

"Барселона" Чемпионлар лигасининг навбатдаги ўйинида Дортмунднинг "Боруссия"си билан ўйнайди. "Брест" ПСВ билан учрашади.